ابراهيم عيسى

انا بموت فى ابراهيم عيسى ، يا راجل وانا بتفرج عليه او اقرأ له بيدينى احاسيس جامده جدا ان لسه فى حد بيفكر كويس ومبتكر وشجاع ودمه شربات و جريئ .............. بس طبعا هوا مزودها فى النقد المتواصل لكل حاجه لأنى بحب شويه من الوزرا الحاليين جدا وبموت فيهم (رشيد،محىى الدين،مغربى،الجبلى،احمد دروييش،بطرس غالى........مش فاكر لو فى حد تانى)
بس بصراحه انا عايز اقول لإبراهيم عيسى ان الناس دى شجاعه وعندها فكر وعايزه تطور وليها استراتيجيه واضحه بس طبعا الفساد رهيب وهما سلطاتهم محدوده .
الى الأمام يا ابراهيم بك عيسى واطحن الفساد بقلمك بس لو فى ناس كويسه لازم نقول على شان نبقى موضوعيين.

ليه بنصدق السينما

عارفين ليه احنا بنصدق السينما وبننفعل ونعيش مع الفلم كاننا جواه؟
لأن ببساطه احنا فى الحياه بنبص من زاويه واحده ، من منظور واحد لأى احداث بتحصل حوالينا فبقينا زي كاميرا التصوير بتجيب وجه وحيد للمنظر ، يعنى وش الممثل بس واحنا حاسين انه مش ناقصنا حاجه واحنا بنشوف السينما لأننا فى الحياة برضو كده.
يبقى لازم نحاول نشوف اى حاجه بطريقة ال 3D على شان تبقى Real Life مش بس Cinema
يعنى من ساعة ما اتولدنا واحنا بنشتم على الأمريكان ونصدق 7 او 8 حكايات يكرهونا فى الأمريكان من زمان بس مش لازم تكون دى الحقيقه ممكن يكون فى Angels تانى للصوره اللى احنا شايفينها دى . وقس على الكثير من المواضيع اللى احنا واخدين عنها قناعات نهائيه من خلال شوية حكاوى مش عارفين مصادرها الأصليه وكمان لم نبحث فيها. بس اللى يسالنا نرد : يا حبيبى دى معروفه !!!!!!!!!!!!!!!!

لا للموضه

انا ارى ان اتجاه الانسان للموضه فيه غباء شديد فكيف نهدر هذه الأموال ونستهلك الكثير من موارد البيئه لكى نلبس الألوان المختلفه والاشكال الغريبه فهذه الموضه ليس لها فائده وظيفيه فى حياة الانسان.
على فكره الموضوع مسألة تعود يعنى الناس و الاعلام بقالهم مئات السنين بتشجع الشياكه والموضه واللبس والألوان واللإكسسوار....... وطبعا كلنا اتعودنا على حب الموضه لأن دى اصبحت عاده بين الناس , ولكن دور المفكرين انهم يفكروا بطريقة غير ، ويقولوا يا ناس العقد اللى لابساه البنت دى اخد مجهود من كذا شخص فى صناعته واستهلك من البيئه موارد اد كده وفى الآخر non-functional يبقى بلاش منه.
اذا هذه دعوة للتفكير فى ان نتخلص من كل ما هو non-functional فى سبيل الفقراء و البيئه والأجيال القادمه.
(الفلوس والوقت اللى بنضيعه فى صناعة هذه الأشياء نعمل بيها مصانع - كومبيوترات - ادويه - اغذيه ......................
فكروا معايا.............